Kampi veror frankofon

Prej 10 deri më 15 korrik, një grup prej tridhjetë adoleshentësh dhe fëmijësh shqiptarë së bashku me mësuesit e tyre u takuan në Luginën e Rugovës për një kamp veror frankofon. Iniciativa e këtij kampi veror u mor nga Shoqata e mësuesve të gjuhës frënge në Kosovë (APFK). Me këtë rast, grupi i të rinjve dhe adoleshentëve zbuluan ose përmirësuan gjuhën frënge përmes aktiviteteve argëtuese dhe kulturore.

Kështu, në mes të natyrës së mrekullueshme që ofron Lugina e Rugovës, aktivitetet gjuhësore, sportive dhe kulturore u zhvilluan në frëngjisht. Ekipi organizator e shtoi entuziazmin e pjesëmarrësve të kënaqur me këtë përvojë unike.

Gjatë këtyre 5 ditëve, pjesëmarrësit e rinj përfituan nga kurset e gjuhës frënge të përshtatura sipas nivelit të tyre: prej atij fillestar e deri në atë të avancuar; në mëngjes katër orë mësimi sipas niveleve, dhe pasdite lojëra. Së fundmi, një projekt i përbashkët u zhvillua nga të gjithë të rinjtë për të festuar mbylljen e këtij kampi veror: organizimi i festës së 14 korrikut, me lojëra, këngë dhe gatime sipas kulturës franceze.

Ky kamp veror ishte një sukses i vërtetë: madje numri i kufizuar i vendeve nuk ishte i mjaftueshëm për të plotësuar kërkesat e të gjithë prindërve që dëshironin të regjistronin fëmijët e tyre.

Partenerët e kampit veror

Le projet initié par l’APFK a également reçu de nombreuses coopérations :

Projekti i nisur prej APFK mori mbështetje nga shumë partnerë:

  • Ambasada e Francës në Kosovë e cila mori pjesë në organizimin e kampit veror
  • Aleanca Franceze në Prishtinë
  • Ndërmarrje të shumta të përfshira në forcimin e miqësisë franko-shqiptare

kampi

 

Për të mësuar më shumë rreth aktiviteteve tona në fushën e edukimit klikoni këtu!

Baleti Preljocaj në Prishtinë

Më 7 tetor 2017, kulturës franko-shqiptare iu bë një homazh shumë i bukur. Në kuadër të turneut ekskluziv në vendet shqipfolëse Baleti Preljocaj organizoi një shfaqje të veçantë falas në Teatrin Kombëtar të Prishtinës. Kjo shfaqje u organizua si pjesë e programit Teatroskop të promovuar nga qeveria franceze. Ambasada Franceze në Kosovë mori përsipër të gjithë organizimin. Shoqata 4 Ngjyrat si dhe shumë aktorë të tjerë të miqësisë franko-shqiptare dhanë mbështetjen e tyre financiare.

Por, si fillim, pak histori: Balleti Prejlocaj u themelua nga Angjelin Prejlocaj, një koreograf shumë i suksesshëm i baletit kontemporan botëror. I lindur në Francë nga prindër shqiptarë, ai jeton sot në Aix-en-Provence, ku ka krijuar trupën e baletit Prejlocaj. Ai ka ideuar dhe vënë në skenë vepra të shfaqura anembanë botës.

Për 4 Ngjyrat ishte një kënaqësi e madhe të mbështeste këtë ngjarje të jashtëzakonshme, ti ofronte të gjithëve atyre që e dëshirojnë mundësinë për ti përjetuar këto vepra të pakrahasueshme.

Pjesët e interpretuara nga Baleti Preljocaj:

  • Vepra e njohur e Angjelin Preljocajt “Un Trait d’Union
  • Krijimi i tij i ri “Still Life”

Ja disa nga fotot e Baletit Preljocaj në Prishtinë:

baleti prejlocaj baleti prejlocaj baleti prejlocaj